發新話題
打印

[新聞][2008-12-14] ]超齡新人 實現夢想 黃宗澤追名逐利 (太陽報)

[新聞][2008-12-14] ]超齡新人 實現夢想 黃宗澤追名逐利 (太陽報)

太陽報
超齡新人 實現夢想
黃宗澤追名逐利
14/12/2008
文: 周鳳儀、李慧盈

真正的「成」與「敗」,不應單靠獎項多寡來衡量,今年,徐子珊與黃宗澤(Bosco)雙雙失落台慶獎項,捧蛋離場。但2008年卻是他們豐收之年,是非纏身的子珊初演奸角大獲好評,而Bosco踩入樂壇又登大銀幕,享受期待10年的「第一次」。

當年18歲憑陽光檸檬茶廣告被發掘,幸運的Bosco加入電視台兩年即受力捧,再憑個人努力,05年首奪電視界獎項獲「飛躍進步男藝人」,入行10年,08年才拍第一部電影《大四喜》及推出首張個人唱片《In Love With Bosco》。入行多年才出處男唱片,問到是否太遲,他說:「我都以為冇問題,直到出席頒獎禮記者會,問題出現了!我係40幾個新人之中年紀最大,有個女新人叫G.E.M只得17歲,我哋相差11年,企埋一齊有啲尷尬。」不過Bosco性格開朗樂天,怎會被這小小的問題影響,他說:「雖然我係樂壇新人,但我出道耐,好多觀眾對我已有認識,著數啲!」
早年玩票性質唱過一些電視劇及卡通片主題曲,今年終可擁有屬於自己的唱片,最難忘錄《全角度愛你》,監製下令他笑唱,唱出甜到漏感覺,腦裡充滿拍拖甜蜜片段。當中有沒有胡杏兒呢?Bosco忍不住偷笑一下,然後若無其事地說:「個個都有。(杏兒都有?)你咪理!錄完咁耐唔記得囉!」原來他錄音時必須現場漆黑一片。「我好容易分心,一盞小燈照住歌詞,玻璃外監製房都要黑麻麻,閉路電視小紅燈都要熄咗。」

感謝樂小姐照料
從來沒有想過有朝一日站在舞台上,首次以歌手身份台上表演,Bosco心跳加速,好像邂逅初戀情人的感覺一樣:「冇諗過做職業歌手出唱片,我對自己歌聲有信心,但入行最初只為演戲,某日樂小姐(樂易玲)叫我去試音,然後錄歌、拍MV、出唱片、演出、角逐新人獎,感覺好似發緊夢!」Bosco與經理人樂易玲之間的信任,令他夢想成真。可是,同樣是信任變成是非。電視台頒獎禮舉行在即,掌握生死大權的樂易玲變成是非焦點,爭獎買票造假之聲此起彼落。Bosco冷冷地說:「攞獎唔影響我工作!」他認為藝人與經理人之間的關懷如家人,互相氹大家開心,好平常。外界咁敏感,唔關我事!」

孝順仔媽咪大晒
眼神堅定,對自己充滿信心的Bosco是典型人馬座,目標清晰得令人佩服。「我要當紅」,一直都是他在娛樂圈奮鬥的目標:「我份人好清楚自己要乜。我要紅,依家先至28歲,仲有大把時間談情說愛。但對於事業,28歲應該位於巔峰。感情關係唔可以影響事業,我唔係絕情,只係好清楚自己想點,如果要喺工作和愛情裡2揀1,我肯定揀事業。」Bosco明白要「大紅大紫」過程必有犧牲,他相信緣分。另外,父母離異,Bosco自小跟母親生活,感情親密如情侶:「我哋成日兩母子摸酒杯底傾心事,歎紅酒!」Bosco提到媽媽就像談女朋友一樣,總是笑瞇瞇的:「我媽咪比我更愛下廚,所以佢想煮嘢,我同工人都要讓路。」媽媽御准,Bosco才可大顯身手,而他最愛煲老火湯,受惠的人原來亦有緋聞女友胡杏兒:「我鍾意煮嘢食又最叻煲湯,有時煲一大窩老火湯返廠請大家飲,唔少同我合作過嘅人都試過我嘅手勢,好多人都飲過啦,佢都有!」提到杏兒,他立即扯開話題:「我哋屋企請工人唔使煮飯,最緊要洗碗,因為我哋都只愛下廚,唔愛洗碗。(娶個愛洗碗嘅老婆?)唔得,老婆娶嚟錫!」女友與媽咪之間,Bosco從不擔心婆媳問題,他笑說:「我鍾意嘅,媽咪一定鍾意。」父親已再婚另有家庭,Bosco仍非常關心和照顧,父親節更出錢請爸爸和太太旅行,只要父母開心,Bosco在所不計。

投資有道
Bosco投資有道,甚至將興趣變成賺錢工具,他無懼金融海嘯,享受過程比物質利益更滿足。

古董車

「古董車有種優雅嘅感覺,視乎出廠年份同保養程度,因為價錢高可鞭策我努力搵錢。07年購買首部珍藏,係1937年MGB墨綠色開篷古董車,我當佢老婆咁愛錫。」

紅酒期貨

「我好細個就鍾意紅酒,04年開始投資外國酒莊嘅酒花,依家名下約有10箱包括Lafite嘅靚紅酒,冇我簽紙唔可以拍賣。」

私房菜

「媽咪鍾意霸住屋企個廚房,我希望開私房菜做大廚,自創拿手好餸世代相傳,同時我又繼續幕前工作,但至今未有詳細嘅開張計劃。」

附件: 您所在的用戶組無法下載或查看附件
*** REMEMBER ALL OF THE WONDERFUL MEMORIES ***

TOP

發新話題