Board logo

標題: [新聞][2008/09/09] 黃宗澤認恨拎獎等下鋪 (東方日報+太陽報) [打印本頁]

作者: Kitty    時間: 2008-9-9 16:07     標題: [新聞][2008/09/09] 黃宗澤認恨拎獎等下鋪 (東方日報+太陽報)

東方日報
黃宗澤認恨拎獎等下鋪
09/09/2008

黃 宗 澤 ( Bosco ) 跟 林 峰 雖 然 情 同 兄 弟 , 有 傳 無 線 為 林  鋪 路 奪 獎 , 黃 宗 澤 難 掩 醋 意 表 示 自 己 角 色 輸 蝕 在 不 夠 討 好 。 對 於 處 男 電 影 被 指 票 房 仆 直 , 他 笑 稱 不 擔 心 成 票 房 毒 藥 。

黃 宗 澤 與 林 峰 雖 然 同 拍 無 線 重 頭 劇 《 溏 心 風 暴 之 家 好 月 圓 》 , 不 過 由 於 Bosco 角 色 是 糾 纏 於 三 角 戀 中 , 故 遠 不 及 扮 演 顧 家 專 一 的 林 峰 討 好 , 外 界 更 有 傳 是 無 線 為 林 峰 做 視 帝 。 對 此 Bosco 雖 然 力 撐 老 友 林 峰 , 不 過 在 言 談 間 他 仍 難 掩 酸 溜 溜 的 感 覺 : 「 我 個 角 色 礙 於 係 有 個 拍 咗 拖 多 年 嘅 女 友 , 所 以 大 家 會 冇 咁 受 落 。 ( 睇 好 邊 個 做 視 帝 ? ) 梗 係 林 峰 啦 , 佢 都 做 得 好 好 。 ( 你 有 冇 信 心 爭 獎 ? ) 信 心 雖 然 唔 大 , 但 好 恨 攞 獎 , 有 邊 個 唔 恨 攞 架 ? 不 過 呢 啲 好 睇 時 機 , 未 到 就 係 未 到 , 惟 有 以 後 再 努 力 啲 啦 ! 」

對 於 電 影 處 男 作 《 大 四 喜 》 被 指 票 房 仆 直 , 但 Bosco 仍 以 大 無 懼 的 心 面 對 : 「 我 冇 諗 過 , 亦 控 制 唔 到 。 ( 怕 唔 怕 變 票 房 毒 藥 ? ) 發 哥 都 試 過 咁 畀 人 話 過 , 拍 多 幾 齣 大 家 就 會 知 。 」

此 外 , 《 家 》 劇 下 周 劇 情 進 入 高 潮 , 嘉 美 與 阿 圓 拍 拖 , 更 以 懷 孕 逼 婚 , 但 因 腹 中 骨 肉 並 非 阿 圓 經 手 , 所 以 賴 荷 媽 曾 推 跌 她 導 致 流 產 , Sa 姨 終 看 不 過 眼 道 出 真 相 。 Jo 飽 與 紅 姨 關 係 日 差 , Jo 飽 要 求 離 婚 不 果 。 此 外 , 阿 卡 被 發 現 有 心 臟 病 , 醫 生 指 他 命 不 久 矣 , 而 阿 好 、 阿 秋 及 阿 信 陷 入 三 角 戀 。 此 外 , 心 臟 衰 竭 的 嫲 嫲 突 然 暈 倒 , 送 院 後 不 治 。

《 家 》 劇 最 高 38 點
《 家 》 劇 上 周 平 均 收 視 三 十 六 點 , 最 高 三 十 八 點 , 《 尖 子 攻 略 》 亦 有 三 十 點 , 《 搜 神 傳 》 就 廿 七 點 。 周 日 播 映 的 《 鐵 甲 無 敵 獎 門 人 》 平 均 有 三 十 點 , 但 無 線 及 廣 管 局 各 收 到 一 個 投 訴 , 指 《 獎 門 人 》 浪 費 忌 廉 。

文 : 影 視 組

[attach]529[/attach]
黃 宗 澤 正 等 待 大 鵬 展 翅 的 日 子 。

[attach]530[/attach]
雖 然 首 部 電 影 票 房 不 理 想 , 但 未 對 黃 宗 澤 構 成 打 擊 。

[ 本帖最後由 Kitty 於 2008-9-9 16:39 編輯 ]
作者: Kitty    時間: 2008-9-9 16:09

太陽報
拿獎睇時機 轉軚撐「情敵」
黃宗澤扯白旗管家仔Win硬視帝
09/09/2008
文: 專案組

早前有傳無線加重林峰戲份,力谷他年底稱霸視帝,同劇拍檔黃宗澤上月初還表示睇好夏雨,但日前受訪時卻改口風,直言今年視帝非林峰莫屬,暗示自己冇得爭。
同期出道的黃宗澤(Bosco)與林峰,雙雙憑俊朗外表贏得觀眾緣,兩人更是情同手足的好友。今年兩人於熱爆劇《溏心風暴之家好月圓》中再度合作,互相爭奪鍾嘉欣的歡心。不過現實中,兩人也在爭奪視帝寶座!有傳無線將「管家仔」林峰於《家》劇戲份加重,鋪路讓他當視帝,就連視后李司棋與關菊英兩位前輩也甚為睇好,他亦明言希望今年能有所突破:「套劇有咁好反應已經好滿足,年底係出成績表嘅時候,希望自己年年都有突破。」

唔好眼紅對方
上月初,Bosco曾表示睇好夏雨當視帝,但他日前受訪時卻突然改口風力撐林峰,明言視帝「係佢(林峰)架喇!」於劇中飾演靚仔醫生「凌至信」的Bosco,角色發揮有限,最近更被網民群插演技差及「懶型」樣令人骨痹,又指他一腳踏兩船冇本心,對此他說:「如果我個角色係單身會好啲。」訪問中,Bosco雖表明恨攞獎,但心知自己機會甚微:「我都恨攞獎,不過呢啲要睇時機,配合天時地利人和,依家當係播種,等收成囉!(眼紅林峰?)佢攞視帝我唔會眼紅,大家好兄弟嘛!我都會戥佢開心。」他還笑言不會因爭視帝而傷感情:「我哋走唔同路線,我係搞笑嘅!」

此外,最近Bosco首次踏足影壇演出《大四喜》,雖然票房欠佳,但他仍保持樂觀,不擔心會成為票房毒藥:「發哥開頭都係咁啦!其實套戲最初諗住只係喺內地同馬來西亞上畫,所以問題唔大。」他更表示將會嘗試唱歌做歌手。

林 峰 瓣瓣出色
鬥家底:出身大富之家,其父林華國是廈門大地主,平時出入均以靚車代步。贏
鬥後台:無線「親生仔」兼利孝和夫人「世姪」、英皇新寵。贏
鬥瓣數:歌影視三棲,處男碟《愛在回憶中找你》勢如破竹,推出已達兩萬張銷量,03年更勇奪「本年度我最喜愛的飛躍進步男藝員」獎。和
鬥戀情:李彩華、楊怡、陳法拉、鍾嘉欣、葉璇、陳敏之、佘詩曼。贏

黃宗澤 招架無力
鬥家底:出身小康之家,初入行時,因為人工不夠,要靠父母津貼救濟,當年更要搭的士及坐地鐵返工。輸
鬥後台:無線愛將、曾被捧為「奧運6星」之一。輸
鬥瓣數:拍廣告、拍劇、拍電影及擔任主持。於05年榮獲「本年度我最喜愛的飛躍進步男藝員」獎。和
鬥戀情:吳姓圈外女友Heidi、王從希、甄穎珊、胡杏兒。輸

[attach]531[/attach]
黃宗澤直言自己未到時候挑戰視帝,不會為爭獎而與好友傷感情。


頒獎禮變是非場
09/09/2008

每年無線台慶均頒發「最佳男主角」及「最佳女主角」,藝人對「視帝/后」虎視眈眈,但同時亦觸發不少是非紛爭。

張可頤  封后鬥寸

張可頤於03年憑《九五至尊》封視后,獲獎後得勢不饒人,忘形狂寸郭可盈冇代表作,對方即還以顏色:「有獎唔等於叻。」

夏 雨  背脊贈興

陳豪上年憑《溏心風暴》稱視帝,但不少網友戥夏雨不值,亦有傳夏雨於頒獎禮當晚全程用背脊「得」住對方,十分冇癮。

胡杏兒  谷肥爭獎

胡杏兒於06年刻意谷肥拍《肥田囍事》,一心為奪獎鋪路,可惜臨門一腳佘詩曼憑《鳳凰四重奏》連奪兩獎。

鄧萃雯  落敗投訴

鄧萃雯在《金枝慾孽》中飾演如妃,大有機會問鼎04年的「視后」,可惜最後大熱倒灶,不少觀眾抱不平致電廣管局投訴。




歡迎光臨 黃宗澤國際官方影迷會論壇 Bosco Official Fan Club Forum (http://forum.wongchungchak.com/) Powered by Discuz! 6.0.0