【因住跪玻璃】集郵成功!黃宗澤得償所願同喬妹合照 (蘋果日報即時新聞)
建立時間 (HKT): 0504 19:53
時裝品牌Esprit今日喺中環皇后大道中舉行活動,女神都係嘉賓之一,所以引來數十名fans喺門外等候,黃宗澤、潘世亨、KB李健宏都係嘉賓之一。
黃宗澤(Bosco)今日出席時裝品牌活動,被問到一陣見到宋慧喬,會唔會爭取時間合照?佢就話:「自己真係好渴望見佢真人,因為未見過佢。今朝早做嘢時,導演都問佢可唔可以幫手扌羅簽名照,或者要個唇印,真係大貪!」不過黃宗澤真係得償所願喇,終於集到喬妹郵,因住日籍Model女友嬲豬呀!
咁Bosco鍾唔鍾意呢類型女仔?佢話:「靚女梗係得啦!佢好有氣質好有修養。(定係咪鍾意日本妹多啲?)唔係,各有氣質有修養,總之有氣質就OK喇!」
咁Boscoo既日籍女朋友會唔會呷醋㗎?佢就話:「冇嘢o既。」咁有冇試過喺女友面前話喬妹有氣質先?佢話:「吖!咁我要學o下氣質o既日文先得!」咁會唔會喺女友面前讚喬妹靚女?佢就話:「唔會(唔夠膽?)唔係,其實正常討論傾偈都會講。」
早前有報道Bosco同黃翠如睇劇本時好親密,傳出緋聞(新聞連結:
http://bit.ly/2qIDGg7 ),佢就話:「得啖笑啦!仲好講,以後叫佢唔好挨過嚟睇我劇本呀!」怕唔借蕭正楠呷醋?佢就唔怕話:「點會吖!上次《幕後玩家》同翠如做歡喜冤家,有打打鬧鬧,又有錫o既鏡頭,今次仲冇上次咁激㖭!」
咁Bosco同翠如喺鏡頭以外會唔會避忌o下?Bosco就話,同《幕》劇中o既主角張繼聰、蕭正楠同黃翠如好似四兄弟咁;又講到蕭正楠笑過翠如係男人。最後Bosco話要係怪自己口臭,講完今次套劇零緋聞,點知轉個頭就有。

呢張…係舊相…

呢張先係新o既。Bosco今晚到中環出席活動,與宋慧喬同場。 (攝影:沈健程)

Bosco 大讚喬妹:「靚女梗係得啦!佢好有氣質好有修養。」