發新話題
打印

[ 2007-08-22 ]《我的野蠻奶奶2007》沙灘結婚煞科戲 (綜合新聞)

[ 2007-08-22 ]《我的野蠻奶奶2007》沙灘結婚煞科戲 (綜合新聞)

東方日報
杏兒黃宗澤 咀嘴心意通
22/08/2007  

緋 聞 男 女 胡 杏 兒 、 黃 宗 澤 ( Bosco ) 昨 在 新 劇 《 我 的 野 蠻 奶 奶 2007 》 中 拍 攝 結 婚 及 接 吻 鏡 頭 , 二 人 合 作 多 次 , 已 咀 慣 咀 熟 , 難 怪 拍 攝 時 駕 輕 就 熟 , 順 利 一 take 過 完 成 。 事 後 Bosco 說 : 「 呢 場 咀 戲 係 導 演 臨 時 加 。 ( 咀 慣 咀 熟 ? ) 冇 , 咀 過 一 兩 次 啫 , 唔 會 尷 尬 , 但 未 試 過 有 咁 多 人 探 班 睇 住 。 」 將 來 結 婚 , Bosco 說 可 以 考 慮 在 沙 灘 舉 行 , 但 千 萬 別 在 夏 天 , 在 夏 天 的 話 寧 願 唔 結 婚 。

杏 兒 則 表 示 咀 嘴 點 到 即 止 都 OK , 故 不 會 感 尷 尬 。 反 而 昨 日 是 最 後 一 日 拍 《 奶 奶 》 , 有 點 依 依 不 捨 。 說 到 夏 天 婚 禮 , 杏 兒 的 口 徑 與 Bosco 居 然 完 全 一 致 , 認 為 沙 灘 婚 禮 可 以 , 只 怕 熱 得 妝 容 會 融 , 不 過 她 否 認 與 Bosco 夾 過 「 口 供 」 。


胡 杏 兒 、 黃 宗 澤 再 次 拍 咀 戲 , 表 現 得 駕 輕 就 熟 。

緋 聞 男 女 胡 杏 兒 、 黃 宗 澤 , 口 供 一 致 怕 夏 天 搞 婚 禮 。

[ 本帖最後由 Kitty 於 2007-8-22 10:29 編輯 ]

TOP

太陽報
阿滕胡定欣拋胸觀禮
杏兒披嫁衣
自嘲冇料到
22/08/2007
文: 影視組

無線新劇《我的野蠻奶奶2007》昨日於沙灘取景,拋胸上陣的滕麗名及胡定欣艷壓全場,勁搶身穿密實婚紗的胡杏兒風頭!
胡杏兒、汪明荃、黃宗澤(Bosco)、滕麗名及胡定欣昨日為《我的野蠻奶奶2007》拍攝煞科戲,劇情講述杏兒與Bosco在沙灘舉行婚禮。拍攝期間,劇中演員分別以私伙上陣,當中女主角杏兒竟只穿密實婚紗,沒甚睇頭,相反滕麗名、胡定欣拋胸亮相,艷壓全場。

事後滕麗名表示擔心天氣炎熱,所以刻意以Deep V示人:「我性感過杏兒?可能佢著婚紗喺沙灘拍嘢唔方便!」至於胡杏兒所穿的婚紗來頭不少,她說:「點解著得密實?呢件係Valentino嚟,沙灘婚禮冇理由著得咁Heavy。(畀滕麗名同胡定欣搶風頭?)佢哋Deep得起嘛!」

咀嘴戲一Take過
此外,緋聞男女杏兒與Bosco拍攝咀嘴鏡頭,杏兒更自爆是導演臨時加插的,二人合拍一Take過,事後他們表示不尷尬。提到將來的婚禮,Bosco說:「喺夏天結婚冇問題,但千祈唔好夏天攬,太熱喇,我寧願唔結婚!」


杏兒、阿姐與Bosco再演一家人,坦言合作愉快。

杏兒與Bosco經常飾演情侶,拍攝咀嘴鏡頭絕無難度。

[ 本帖最後由 Kitty 於 2007-8-22 10:23 編輯 ]

TOP

蘋果日報
異 口 同 聲 愛 沙 灘 婚 禮
馮 仁 昭 四 圍 超 : 宗 澤 咀 杏 兒 熱 辣 辣

黃 宗 澤 、 胡 杏 兒 、 汪 明 荃 同 滕 麗 名 噚 日 喺 大 浪 灣 拍 攝 無 線 劇 《 我 的 野 蠻 奶 奶 2007 》 煞 科 戲 份 , 劇 情 講 黃 宗 澤 同 胡 杏 兒 舉 行 沙 灘 婚 禮 , 一 對 緋 聞 男 女 更 當 住 大 班 人 面 前 嘴 對 嘴 , 場 面 溫 馨 。
黃 宗 澤 話 將 來 有 機 會 舉 行 婚 禮 , 一 定 唔 會 揀 喺 夏 天 進 行 , 佢 話 : 「 小 弟 比 較 怕 熱 , 戶 外 舉 行 婚 禮 一 定 要 揀 秋 天 或 冬 天 , 如 果 夜 晚 喺 沙 灘 開 party 都 幾 好 。 」
至 於 胡 杏 兒 就 著 咗 件 Valentino 贊 助 嘅 象 牙 色 短 婚 紗 開 工 , 佢 話 接 吻 戲 份 係 導 演 臨 時 要 求 加 拍 , 問 到 佢 心 目 中 嘅 婚 禮 喺 邊 度 舉 行 , 佢 嘅 答 案 竟 然 同 緋 聞 男 友 黃 宗 澤 一 樣 , 都 係 話 怕 熱 , 唔 知 佢 哋 係 咪 一 早 傾 過 呢 個 問 題 呢 ? 杏 兒 話 : 「 原 本 劇 本 冇 寫 要 咀 , 點 到 即 止 都 OK 嘅 , 其 實 舉 行 沙 灘 婚 禮 都 唔 錯 , 不 過 夏 天 咁 熱 就 唔 掂 啦 ! 」

阿 姐 嘆 多 垃 圾 桶
自 言 平 日 甚 少 到 沙 灘 嘅 汪 明 荃 , 竟 然 對 沙 灘 嘅 垃 圾 桶 感 興 趣 , 佢 話 : 「 都 唔 明 點 解 一 個 咁 細 嘅 沙 灘 , 會 有 咁 多 個 垃 圾 桶 , 香 港 人 製 造 垃 圾 真 係 好 犀 利 ! 」


緋 聞 男 女 黃 宗 澤 同 胡 杏 兒 喺 沙 灘 拍 攝 浪 漫 婚 禮 場 面 , 呢 場 咀 戲 仲 係 臨 時 加 嘅 㖭 !

一 向 怕 熱 嘅 黃 宗 澤 上 身 西 裝 骨 骨 , 下 面 著 短 褲 散 熱 , 幾 醒 目 !

[ 本帖最後由 Kitty 於 2007-8-22 10:23 編輯 ]

TOP

明報
胡杏兒黃宗澤 心有靈犀
拍咀戲駕輕就熟 文章日期:2007年8月22日

【明報專訊】昨日兩人與汪明荃、滕麗名及數十名臨時演員於大浪灣進行拍攝,劇情講述杏兒與Bosco有情人終成眷屬,於沙灘舉行婚禮。一對新人的造型有點騎呢,新娘杏兒穿著古董及膝婚紗,新郎哥Bosco則穿著及膝西褲襯皮鞋,相當搞笑。

最想秋天沙灘行禮

拍攝至尾聲時,杏兒與Bosco原本只需露出興奮表情,但導演要求真咀,他們毫不扭擰爽快答應,並隨即齊齊嘟嘴吻一啖,表現駕輕就熟。事後笑指Bosco是否平時與杏兒練習有素,所以一take搞掂?他笑說沒這回事。雖然臨時加插咀戲,但拍戲不會尷尬。說到在沙灘舉行婚禮,他認為是好建議,只是他怕熱,千萬不會在夏天舉行,否則他寧願不結。

杏兒亦說只是蜻蜓點水式接吻不會尷尬。她被問到是否希望在沙灘舉行婚禮?她的答案與Bosco一樣,怕夏天太熱令化妝溶掉,秋天涼涼地都OK。笑她與Bosco好合拍,是否曾計劃過?她連忙解釋沒有夾過,不知Bosco會這樣答。

滕麗名以賓客身分出席兩人的婚禮,穿著私伙性感低胸裙亮相,搶去新娘子杏兒鏡頭。杏兒不介意,還讚阿滕性感得起,身材好fit!

阿姐無想過結婚

汪明荃說平時多在寓所泳池游水,甚少到沙灘。問她經過今次沙灘婚禮後,會否考慮與羅家英在沙灘行禮?她說沒有想過,羅家英亦沒有向她求婚。有指女人都想要個名分?她說沒有想過此問題。


臨場加咀戲,對杏兒、Bosco來說無難度。

無懼緋聞,Bosco、杏兒開心拍結婚戲。

Bosco與杏兒一身短褲、短裙結婚Look夠獨特,阿姐無奈被搶鏡。

TOP

成報
黃宗澤胡杏兒駕輕就熟一錫OK
問沙灘結婚答案不謀而合

 無綫新劇《我的野蠻奶奶2007》昨日拍攝沙灘結婚煞科戲,一對新人黃宗澤、胡杏兒穿上短褲短裙結婚禮服行禮,婚禮完成後,導演更臨時加插一場一對新人對咀的鏡頭,二人表現純熟一次過完成拍攝。事後問到二人的理想婚禮會否在沙灘舉行,他們不約而同稱不介意,但卻表示不要在夏天舉行,怕被炎熱天氣曬「溶」。<採訪、攝影>達里

 昨日中午時分胡杏兒、黃宗澤(Bosco)、汪明荃、滕麗名、胡定欣及半百臨時演員到大浪灣沙灘,為《我的野蠻奶奶2007》拍攝煞科戲,劇情講述杏兒與Bosco有情人終成眷屬,並別樹一格在沙灘舉行婚禮,新郎Bosco穿上短西褲、皮鞋,新娘杏兒就穿上古董式婚紗,反而阿滕則穿上Deep V長裙;胡定欣更出動私伙低胸長裙,養眼程度比杏兒更勝一籌。原本行禮後杏兒與Bosco只需做一個開心、興奮的表情,但導演卻臨時要求一對新人互吻,只見兩人毫不尷尬沒有抗拒,隨即嘴對嘴「蜻蜓點水」式錫起來,不用NG一次完成拍攝。

滕麗名胡定欣性感搶鏡

 事後問到Bosco是否閒時多與杏兒拍咀戲,所以一次OK,他說:「無咁嘅事。咁多人一齊拍戲都唔會尷尬。」至於將來舉行婚禮有否想過在沙灘舉行時,Bosco說:「千祈唔好在夏天搞囉,小弟好怕熱,真係會曬溶。可以的話我諗日頭行完禮,夜晚涼些在沙灘搞Party,如果唔係,咁熱我寧願唔結婚。」另一方面,杏兒也表示咀戲只是「蜻蜓點水」式,不會太尷尬,她說:「只係錫一錫就分開,唔係錫好耐嗰種。劇中我同Bosco都係錫兩三次。」問到杏兒可會在沙灘舉行婚禮,料不到她的答案與Bosco一樣,她說︰「涼涼地秋天搞沙灘婚禮都OK,但夏天就唔好啦,太熱個妝都溶晒。」記者取笑杏兒的答案與Bosco一樣時,笑指他們已有結婚計劃,她即解釋道:「無呀!我哋無夾過呀!佢都係咁講咩?」對於扮演賓客的阿滕與胡定欣,性感打扮搶盡新娘風頭時,杏兒不介意說:「阿滕佢Deep V得起,佢身材好Fit。」

阿姐無諗過與家英結婚

 雖然劇集昨日拍攝最後一天戲分,但阿姐汪明荃表示自己仍沒有時間休息,要為下月舉行的演唱會做綵排。問到阿姐閒時可會到沙灘游水,她稱只會在住所泳池游水。至於會否與家英哥在沙灘舉行婚禮?阿姐答道:「我無諗過。」再追問家英哥有否跟阿姐求婚,及阿姐有否想過要一個名分時,她都說:「無啊!我都無諗過!」


一咀搞掂

Bosco、杏兒在沙灘舉行婚禮。

TOP

新報
沙灘婚禮嫌熱 杏兒宗澤啱嘴形一次搞掂

胡杏兒與黃宗澤這對緋聞情侶昨日在大浪灣為新劇《我的野蠻奶奶2007》拍攝一場沙灘結婚煞科戲,交換戒指禮成後導演臨時要求加插二人咀戲,其間見二人毫不扭擰,隨即嘟起個嘴伸過對面錫錫,更一Take搞掂,表現駕輕就熟,未知是否平時練習得多!而先後問到一對緋聞情侶將來結婚可想過在沙灘行禮時,二人答案竟一致話想,但就不希望夏天舉行,怕曬溶,認真心有靈犀!

【新報訊】記者康蕎報道:胡杏兒、黃宗澤 ( Bosco) 、汪明荃(阿 姐)、滕麗名(阿滕)及半百臨時演員昨日齊集大浪灣沙灘為無綫新劇《我的野蠻奶奶2007》拍攝煞科戲,劇情講述杏兒與 Bosco有情人終成眷屬,在沙灘行禮結婚,新郎哥 Bosco穿上及膝西褲襯皮鞋;新娘杏兒就穿上古董及膝婚紗行禮,大團圓結局!

原定劇本禮成後杏兒與 Bosco只需做個開心興奮表情便可,但導演就臨時要求一對新人要「真咀」,雖然如此,但見杏兒與 Bosco毫不扭擰一口答應,更隨即嘟起個嘴伸過對面錫錫,一Take就搞掂,表現駕輕就熟。事後笑問到 Bosco是否練習得多,所以與杏兒拍咀戲一Take搞掂時,他說:「冇啲咁嘅事吖! (咁尷唔尷尬呀?) 咁多人喺度一齊拍戲,又唔會嘅。」續問到 Bosco將來舉行婚禮可想過同樣在沙灘進行時,他說:「千祈唔好夏天搞囉,小弟好怕熱,真係乜都曬溶!可以嘅話我諗日頭行完禮,夜晚涼啲先喺沙灘搞 Party,如果唔係,咁熱我寧願唔結!」

阿姐唔諗要名分

而同樣問到杏兒臨時加插咀戲可尷尬?她說:「唔會,只係錫一錫就分開,又唔係錫得耐嗰啲! (呢套劇同 Bosco係咪咀過好多次?) 加埋今次都係兩、三次啫!」續問到她又可希望於沙灘舉行婚禮時,杏兒和 Bosco答案可謂如出一轍,她說:「涼涼哋秋天搞沙灘婚禮都OK㗎,但夏天就唔好啦,太熱個妝都溶!」記者取笑她的答案和 Bosco一樣,是否二人之前有計劃過時?杏兒連忙解釋說:「冇呀!冇夾過呀!乜佢都係咁講咩?」此外,見杏兒的婚紗密實,但扮賓客的阿滕卻Deep-V露深坑到場,一問下阿滕那條Deep-V連身裙更是私伙。續問到杏兒可覺得被阿滕搶晒鏡?對此,她笑說:「阿滕佢Deep-V得起嘛!佢身材好鬼 Fit㗎!」

另外,阿姐透露劇集煞科後自己仍冇得唞,需接力為下月舉行的個唱進行綵排及宣傳工作。問到阿姐私下可常到沙灘游水?她就表示在寓所泳池游多。續問到她經過昨天之後可想過與家英哥於沙灘舉行婚禮?對此,阿姐說:「冇諗過喎! (咁家英哥有冇向你求婚?) 都冇啫! (咁女人都想要個名分㗎?) 我冇諗呀!」

TOP

頭條日報
宗澤咀杏兒一Take過
2007年8月22日

緋聞男女黃宗澤(Bosco)與胡杏兒,昨日到大浪灣為新劇《我的野蠻奶奶2007》拍攝結婚戲,導演臨時加插親咀戲,二人甚有默契,一take搞掂,而且拍得既溫馨又浪漫。本報記者
   緋聞情侶黃宗澤(Bosco)與胡杏兒昨日到大浪灣,拍攝新劇《我的野蠻奶奶2007》的煞科戲,內容講述Bosco與杏兒在沙灘舉行婚禮,汪阿姐等人前來觀禮。穿上四個骨西褲的Bosco,與身穿復古婚紗的杏兒,在「行禮」時交換戒指,並臨時加插一幕溫馨的親咀戲,二人毫不扭擰即時咀嘴,更一take搞掂。

   記者笑指二人拍吻戲駕輕就熟,Bosco笑謂︰「沒有這回事。(尷尬嗎?)不會,有咁多人睇住,未試過咁多記者探班,好震撼!」問杏兒拍咀戲可尷尬?她說︰「不會,只是錫一錫就分開, 又唔係咀好耐!」當談及心目中理想的婚禮?二人竟心有靈犀,不約而同地說希望可在沙灘舉行婚禮,但最好在秋冬行禮。



■Bosco與杏兒即場咀嘴,及交換結婚戒指(圓圖)。

TOP

so sweet ,it so beautiful,same true.

TOP

wow~~they are so sweet!

TOP

佢同杏兒好親丫=]
永遠支持亞co=)

TOP

有時覺得Bosco同杏兒好襯......好似o係e套我的野蠻奶奶2007

TOP

Sweet到漏la!!!
Bosco杏兒真係襯!!!!

TOP

Bosco同Myolie好襯呀!!

TOP

Nice~~B&M><

TOP

發新話題