發新話題
打印

[新聞][20170814] 伍姑娘黃宗澤演母子 (蘋果日報)

[新聞][20170814] 伍姑娘黃宗澤演母子 (蘋果日報)

【竟然係咁?】同Bosco街邊兩份篤魚蛋 伍姑娘最開心o既係… (蘋果日報即時新聞)

如果要喺48歲o既伍詠薇(伍姑娘)同36歲o既黃宗澤(Bosco)之間加上一個關係,可以加啲咩?

朋友、同事嗰啲正路嘢啦!姊弟,OKo既;姊弟戀,都有可能o既;如果係母子又點睇?
係呀,大家冇睇錯,佢哋被安排做母子呀!換算番,即係伍姑娘11、12歲就生Bosco喇!奇就少少啦,又冇話唔得o既……
據知伍姑娘喺新劇《飛虎極戰》中,劇情係話佢17歲就生咗Bosco,日前佢哋喺深水埗夜班趕拍《飛》劇街景。現場所見,佢哋喺鏡頭前後都有講有笑,又挨住欄桿不停吹水,Bosco仲買咗碗魚蛋,同「媽打」伍姑娘兩份篤嚟食,Bosco食污糟嘴邊,伍姑娘好自然拎咗紙巾幫佢揩抹,跟住佢將紙巾塞番入袋,呢個「媽打」細心到爆燈!
拍攝其間,吸引好多途人圍觀,大家都拎手機搶拍,攝製隊工作人員係咁高舉發泡膠板遮擋。連日高溫,即使入咗夜,街頭都冇風又翳焗,唔加上拍攝打燈,份外悶熱,所以唔使埋位時,Bosco手執迷你風扇係咁吹住降溫,而伍姑娘就有女助手拎迷你風扇同礦泉水貼身服待。佢哋拍拍o下,因為越嚟越多人圍埋睇,有警察行過嚟,了解完一輪就走咗。
據知,伍姑娘同Bosco係失散母子,關係複雜,Bosco老竇係吳岱融,阿爸早年入黑幫做臥底,搞大咗江湖大佬未成年囡囡個肚,少女珠胎暗結生BB出嚟,被家人送走,劇情就交代Bosco由嫲嫲湊大,佢長大後仲做咗警察,兩母子機緣巧合下得以重逢。
雖然只係拍戲,但難得「索中女」伍姑娘肯升呢做阿媽,仲要係Bosco咁大個仔,伍姑娘噚日接受《蘋果》電話訪問時話:「或者好多女演員覺得扮阿媽角色係包袱,但我唔介意,演員應該嘗試唔同角色,希望觀眾代入呢個角色去睇,唔好當我係現實伍詠薇。最初接《飛虎》,我知佢係男人戲,我一直想同三哥(苗僑偉)合作,我聽咗個古仔,我演反派,好大挑戰,仲話我有個仔。其實我出道已做過幾歲仔o既媽咪。但突然知道係Bosco,我都係大佢12年,我接咗就諗點處理呢個角色同呢段母子關係,加上套劇有王敏德、張兆輝等卡士唔可以錯過。」伍姑娘話唔介意做人阿媽:「我乜都唔驚,做演員,唔好只係諗住好靚,肥醜都冇問題,演員係要投入角色,忠於角色,呢次拍得好好玩、好開心、好順利。」
問到佢有Bosco做自己個仔係咪好開心?伍姑娘直言:「角色對手唔到我揀,由樂小姐(樂易玲)同監製佢哋揀,我覺得人哋抽畀你,你同佢合作先過癮。呢次係我瘦咗19磅拍劇,好開心。」  


(攝影:孔志豪、吳耀輝、畢紹基)


現年48歲?伍詠薇同36歲?黃宗澤,佢哋合作邵氏網劇《飛虎極戰》,兩人好多對手戲。


拍攝其間,吸引好多途人圍觀,大家都拎手機搶拍。


街頭翳焗,黃宗澤手執迷你風扇係咁吹住降溫。





據知伍姑娘同黃宗澤呢對失散母子,關係複雜。


伍姑娘今日接受《蘋果》電話訪問時話:「或者好多女演員覺得扮阿媽角色係包袱,但我唔介意,演員應該嘗試唔同角色,希望觀眾代入呢個角色去睇,唔好當我係現實伍詠薇。」


伍姑娘並不介意做人阿媽,佢話:「我乜都唔驚,做演員,唔好只係諗住好靚,肥醜都冇問題,演員係要投入角色,忠於角色,呢次拍得好好玩、好開心、好順利。」

TOP

伍姑娘黃宗澤演母子 (蘋果日報)


■伍姑娘與黃宗澤年齡差12歲,卻在網劇中演兩母子。

現年48歲的伍詠薇(伍姑娘)和36歲的黃宗澤(Bosco)最近在邵氏網劇《飛虎極戰》飾演「失散母子」。日前晚上7時許,兩人在深水埗拍外景,於欄杆吹水兼篤魚蛋。據知劇中吳岱融演Bosco生父,當年吳岱融入黑幫做卧底,搞大江湖大佬未成年女兒伍姑娘個肚,她產子後,兒子被家人送走,Bosco長大後做了警察,機緣巧合下母子重逢。
對於升呢做Bosco阿媽,伍姑娘昨說:「我聽咗個古仔,我演反派,好大挑戰,仲話我有個仔係Bosco,接咗就諗點處理角色,做演員係要投入角色,忠於角色。」
採訪、攝影:吳耀輝、畢紹基、孔志豪

TOP

黄三岁最多十八而已

TOP

毫不违和,两个人非常母子😁😂

TOP

發新話題