發新話題
打印

[2007-10-16] <全旅打>記者會 (綜合報導)

[2007-10-16] <全旅打>記者會 (綜合報導)

東方日報
黃宗澤送鈕畀杏兒
16/10/2007

黃 宗 澤 ( Bosco ) 昨 日 帶 同 私 伙 相 機 出 席 新 城 記 者 會 , 日 前 緋 聞 女 友 胡 杏 兒 表 示 渴 望 男 友 送 層 樓 給 她 , Bosco 笑 言 自 己 都 未 買 樓 , 這 單 新 聞 與 他 無 關 , 即 使 好 朋 友 也 毋 須 送 樓 , 又 說 : 「 送 粒 衫 鈕 就 真 , 買 樓 都 買 畀 自 己 先 啦 ! 」 問 到 會 否 買 樓 送 贈 女 友 ? 他 說 : 「 我 唔 係 富 豪 。 ( 老 婆 呢 ? ) 老 婆 就 畀 晒 佢 。 」

由 於 杏 兒 飼 養 了 九 隻 愛 貓 , Bosco 即 拉 開 話 題 指 自 己 冇 養 貓 , 唔 關 他 事 , 但 將 來 買 樓 定 要 過 千 呎 , 更 一 定 可 以 養 狗 。 Bosco 可 有 試 過 影 貓 ? 他 即 說 : 「 呢 排 影 狗 多 。 ( 鍾 意 貓 ? ) 逢 係 有 毛 動 物 都 鍾 意 , 猩 猩 老 虎 都 鍾 意 。 ( 以 前 拍 拖 有 冇 影 親 密 照 ? ) 未 影 過 。 」

TOP

太陽報
胡杏兒公開求樓
黃宗澤:唔關我事喎!
16/10/2007

黃宗澤(Bosco)、關心妍(Jade)、陸詩韻和關楚耀(Kelvin),昨日出席新城《全旅打》節目。Bosco的緋聞女友胡杏兒日前表示渴望男友送樓,對此Bosco即拉開話題:「呢單嘢唔關我事喎!點解買層樓送畀佢?」對於外界公認兩人的「好朋友」關係,他說:「好朋友唔係送樓,送粒衫鈕就真,買樓都買畀自己先啦!」
同場的Jade則大談到馬爾代夫潛水的「驚」歷,她說:「當時我冇著救生衣,就揹住氧氣樽落水,點知水壓唔同,嚇到腳抽筋,差啲冇命。」

另外,Jade獲網民選為最靚胸部女星第一名,撼贏廖碧兒和林志玲等性感女神,連她自己亦覺爆冷:「過獎呀!真係意想不到,我從來唔係性感對象。」陸詩韻回應被指要以美容來箍住富豪曾文能,她說:「扮靚係女仔都會,咁都連埋其他嘢講,真係好無謂。」


黃宗澤與陸詩韻打扮成遊客Look,宣傳旅遊活動。

TOP

蘋果日報
馮 仁 昭 四 圍 超 : 陸 詩 韻 會 富 商 被 照 肺

陸 詩 韻 ( 左 二 ) 同 關 楚 耀 等 噚 日 去 新 城 電 台 出 席 《 全 旅 打 》 記 者 會 , 陸 詩 韻 近 日 緋 聞 纏 身 , 被 指 喺 富 商 曾 文 能 家 過 夜 , 佢 話 : 「 經 理 人 睇 到 會 問 , 叫 我 小 心 啲 , 我 哋 ( 與 曾 文 能 ) 根 本 唔 係 成 日 見 , 只 係 間 中 食 飯 。 」 至 於 被 拍 得 喺 男 方 寓 所 出 入 , 陸 詩 韻 就 解 釋 : 「 我 舅 父 舅 母 搬 咗 去 , 大 約 3 個 月 左 右 。 」

TOP

明報
胡杏兒恨有樓
黃宗澤送唔起
文章日期:2007年10月16日

【明報專訊】黃宗澤、陸詩韻、關楚耀和關心妍昨日出席新城新節目《全旅打》記者會,黃宗澤坦言喜歡拍照,但絕不會拍裸照,最多與女友搭膊頭和親嘴合照,但他未試過這樣做。緋聞女友胡杏兒早前表示家中有9隻貓,希望男友送樓,黃宗澤說:「我都買唔起樓,若他日結婚,層樓就將會加上太太和媽咪的名字。」

有報道指陸詩韻整容取悅富豪男友,又被攝下從富豪男友的大廈走出來,她說:「只是普通朋友,我亦沒有整容;至於從那幢大廈出來,是因為舅父、舅母住在那兒而已。」

陸詩韻否認整容

關心妍正考潛水牌,她有次到馬爾代夫旅行,沒有穿救生衣便跳落海潛水,但因受水壓影響,感到腳抽筋,「當時好驚,好怕冇命,幸好教練發覺出事,救我上船」。

記者:楊敏麗


黃宗澤(左起)、陸詩韻、關楚耀和關心妍在新城新節目《全旅打》記者會中碰頭。

TOP

大公報
黃宗澤呻窮不會買樓送杏兒
2007-10-16

關心妍、黃宗澤(Bosco)、關楚耀、陸詩韻等,昨日出席新城娛樂台全新節目《全旅打》記者會。

為配合新節目的主題,他們均以旅遊裝扮出現,其中Bosco揹著相機亮相。問他平日是否愛用相機拍女仔?他表示喜歡拍攝風景、動物和食物。問他拍拖會否為女友拍照?Bosco說,會影合照。親暱照呢?Bosco坦言要視乎親暱到什麼程度,搭膊頭和親吻面珠都會拍,這是普通情侶都會做的。那麼他會否跟女友拍短片呢?他坦言不會。問他會否影貓?他表示影狗仔較多,因為他家中有養狗。問他有多久沒有影過貓了?Bosco笑言,早前《當狗愛上貓》開拍時,他有影過貓,皆因他很喜歡有毛的動物。

早前胡杏兒公開表示,希望男朋友買樓送給她。Bosco聽後反應甚大說,他自己也未買樓,為何要買樓給杏兒呢?他笑言好朋友不一定要送樓,可以送褸,況且他不是富豪!那麼他會否買樓送老婆呢?Bosco豪爽地謂,老婆就什麼都給她,買樓寫老婆名,替老婆交稅。

關心妍潛水險遇溺

關心妍(Jade)以潛水裝出席記者會,雖然她尚未考到潛水牌,但她有決心考到牌。Jade表示,之前到馬爾代夫旅遊,一時膽粗粗,沒有帶潛水裝備便獨自潛落水,豈料因水壓關係以致腳抽筋,有遇溺的感覺,幸得導師及時把她救上岸,嚇得她哭起來,自此她明白潛水前,要有足夠的知識,因此她決心考潛水牌。問她會否穿三點式潛水?Jade坦言不會,否則泳衣脫了便麻煩。

陸詩韻感緋聞麻煩

最近有報道陸詩韻到美容院三小時,扮靚箍實富豪。陸詩韻表示,個個女仔都愛扮靚,通常她到美容院都會花上兩、三個小時。近日經常緋聞纏身,陸詩韻坦言很麻煩,只好盡量出入小心些。她不會因緋聞而影響自己交朋友,現在她間中也有跟對方吃飯,但次次都是與一班朋友一起。


圖:黃宗澤表示不會與女友拍短片

TOP

文匯報
[2007-10-16]
聲稱好朋友不必送樓黃宗澤送衫鈕給杏兒

【本報訊】(記者 李思穎)黃宗澤(Bosco)、關心妍(Jade)、陸詩韻、關楚耀昨日出席新城全新旅遊節目「全旅打」招待會,各藝人以旅遊打扮現身,並挑選一份禮物送贈主持人林柏希,最搞笑是Jade特地送上一條紅色三角泳褲給主持人,還大方地把泳褲放在對方的重要位置前,十分搶鏡。

 Bosco喜歡帶備相機出外,問他的獵物是否女孩子居多,他笑說:「最喜歡影風景,動物和食物,(可會同女朋友影相?)如果拍拖的話都會影合照,(會拍親暱相嗎?)視乎大家的尺度係點,如果錫嘴就不會,搭膊頭錫面的話,普通男女朋友都會做,(會否像AB先生小姐般拍短片?)一定不會。」他的緋聞女友胡杏兒共養了九隻貓,問他有影貓嗎,他醒目說:「我影屋企的狗多,其實之前隔離廠拍攝《當狗愛上貓》一劇,我都有過去影貓,我最鍾意有毛的動物。」日前杏兒表示有男朋友送樓便最好,Bosco稱:「我自己嗰層都未買,所以呢單野唔關我事,點解我要買樓送畀佢,好朋友不是送樓,送粒衫鈕就得。」


■Bosco喜歡自備相機影獵物。

TOP

成報
關心妍馬爾代夫潛水生死過翻生
玩水上運動要有認識

 關心妍 (Jade)、黃宗澤 (Bosco)、陸詩韻及關楚耀昨日到新城電台出席新節目《全旅打》記者會,由於這個節目是講旅遊的,所以四人便很有心思的挑選了一份禮物送給主持人林柏希,Bosco便送相機,Jade便送泳褲、陸詩韻送奧運福娃,而關楚耀便送藥物。<採訪、攝影>慧芳

  Jade表示,她本身很喜歡水上活動,特別是潛水。問她考獲潛水牌未時,Jade自言已經積極的準備,不過她表示曾有過一個難忘的經驗,她說:「多年前在馬爾代夫潛水,當時只是試玩性質,期間因水壓的問題,而突然腳抽筋,當時我真係很驚不停咁掙扎,因怕這樣便死在水堙A幸好有導師回頭發現,便立即救我上水,上到船驚到喊,大家要潛水的話,真係要有一定知識,自此我就決心去學潛水。」問到可會穿三點式潛水?她說:「唔得,甩咗點算,上次我着泳衣都有加件T恤。」

Bosco買樓畀自己先
Bosco表示仔本身很喜歡攝影,問他影甚麼多,他便表示愛影風景,當問他有沒有影女友及親熱的照片時,Bosco表示:「如果拍拖都會影合照。(親唔親密?)睇大家的尺度係點,搭膊頭錫嘴,普通男女朋友會做的事啦!」對於他的緋聞女友杏兒早前接受訪問時透露,希望男友可送樓給她時,Bosco說:「我連自己嗰層都未買,所以呢單嘢唔關我事,同埋點解我要送樓畀佢?送粒衫鈕就得,買樓都買畀自己先。」

 另外,昨日有報道指陸詩韻去美容院弄三小時,因她要扮靚箍實富豪,陸詩韻對於這個報道,她說:「我還未看報道,也不知講甚麼,其實扮靚個個女仔都會,咁都拉到其他嘢,真係好無謂。」

TOP

頭條日報
關心妍潛水險死黃宗澤鈕贈杏兒  

關心妍(Jade)(左圖右)、黃宗澤和陸詩韻(右圖右)等昨日為電台節目《全旅打》宣傳,Jade更即場送上一條紅色三角泳褲給主持人林柏希!

Jade早前到馬爾代夫旅行時,沒接受過訓練卻出海玩潛水,首次參與即差點遇溺,她謂:「我當時未穿救生衣,當跳進大海婺深位置時,我怕死不斷掙扎,導師隨即救起我。」問她日後會否穿三點式潛水?她笑言:「不會啦!我怕上水時泳衣會掉下來!」

黃宗澤的緋聞女友胡杏兒曾說,希望男友能送一層樓給她,黃宗澤聞言道:「我自己那層樓還未買,為甚麼要送樓給她?我送衫鈕給她吧,如果老婆的話我便會送,就將所有東西歸她名下!」

TOP

都市日報
黃宗澤無錢買樓改送「鈕」

搞笑 黃宗澤、關心妍、陸詩韻及關楚耀昨日出席新城節目《全旅打》活動,自備相機的黃宗澤表示,平日都愛拍照,甚至跟女友拍親密照,搭膊頭親嘴都無問題。

對於緋聞女友胡杏兒日前聲言恨獲男朋友送樓,黃宗澤回應自己都未做業主,點解要買樓給對方,笑言送粒鈕就沒所謂。此外,陸詩韻最近是非不斷,指她美容3小時扮靚箍實富豪,她回應稱女孩子都愛靚,但不一定要有目的。 (都市)

TOP

am730
胡杏兒揚言想要樓 黃宗澤:唔關我事  

黃宗澤(Bosco)、陸詩韻及關楚耀等昨日出席新城電台的《全旅打》記招,眾人應大會要求,以外遊裝束示人,並挑選一件旅遊必需品,送給主持人林柏希。當中Bosco以相機作禮物,期間更走進記者群中扮攝記。談到日前緋聞女友胡杏兒接受訪問時透露,希望男友送樓給她,Bosco聞言後表示:「我連自己嗰層都未買,所以呢單嘢唔關我事!」利字當頭,即時劃清界線。

Bosco續說:「點解我要送樓俾佢(杏兒)?送粒衫鈕就得,買樓都買俾自己先啦!」再問他可會送樓給女友,他表示:「我唔係富豪,第日將搵到嘅俾晒老婆,交稅佢交吖嘛!」Bosco又稱,目前正儲錢買樓,「想俾多啲首期,唔想蝕咁多息,最緊要係可以養狗。」另外,活動期間Bosco經常拿相機拍照,記者問他平日是否經常為女仔拍照,他卻說自己愛拍風景、動物及食物照。至於可會跟女友影親密照,他說:「如果拍拖都會影合照,親唔親密就睇大家嘅尺度,搭膊頭同錫咀,普通男女朋友都會做。」

與富豪傳緋聞 陸詩韻被「照肺」

近日有報道指陸詩韻(Sharon)到美容院扮靚3小時,目的是為了「箍實」富豪男友曾文能,Sharon表示還未看過有關報道,但卻對該報道感到非常不滿,「又係咁樣,個個女仔都會扮靚,咁都拉得埋嚟講,好無謂!」談到與曾文能的緋聞時,她坦言緋聞出街後,亦有跟對方通電話傾談此事。問到無綫可有向她「照肺」,她表示:「經理人睇到都有問我,因為寫得唔係太好,所以都有叫我小心啲,(會唔會減少見面?)我哋唔係成日見面,只係間中食吓飯,(咁有冇發展機會?)真係冇諗過。」

TOP

發新話題